റിയാദ് - വിദേശത്തു നിന്ന് കടത്തിയ വന്‍ മയക്കുമരുന്ന് ശേഖരം ജനറല്‍ ഡയറക്ടറേറ്റ് ഓഫ് നാര്‍കോട്ടിക്‌സ് കണ്‍ട്രോള്‍ റിയാദില്‍ നിന്ന് പിടികൂടി. 38,60,000 ലഹരി ഗുളികകളാണ് പിടികൂടിയത്.
മയക്കുമരുന്ന് കടത്തിന് പിന്നില്‍ പ്രവര്‍ത്തിച്ച പതിനൊന്നംഗ സംഘത്തെ മക്ക, റിയാദ്, അല്‍ഖസീം, ഹായില്‍, അല്‍ജൗഫ് പ്രവിശ്യകളില്‍ നിന്ന് അറസ്റ്റ് ചെയ്തു.
സംഘത്തില്‍ ഏഴു പേര്‍ സിറിയക്കാരും മൂന്നു പേര്‍ സൗദി പൗരന്മാരും ഒരാള്‍ നേപ്പാളിയുമാണെന്ന് ജനറല്‍ ഡയറക്ടറേറ്റ് ഓഫ് നാര്‍കോട്ടിക്‌സ് കണ്‍ട്രോള്‍ വക്താവ് മേജര്‍ മര്‍വാന്‍ അല്‍ഹാസിമി അറിയിച്ചു.
