സംവിധായകൻ ബാലചന്ദ്രകുമാർ അതീവ ഗുരുതരാവസ്ഥയിൽ; സഹായം തേടി ഭാര്യ

- നടിയെ ആക്രമിച്ച കേസിൽ ഇരയ്ക്കുവേണ്ടി നിർണായക വെളിപ്പെടുത്തൽ നടത്തിയ വ്യക്തി

തിരുവനന്തപുരം - സംവിധായകൻ ബാലചന്ദ്രകുമാർ അതീവ ഗുരുതരാവസ്ഥയിൽ. വൃക്കരോഗത്തെ തുടർന്ന് തിരുവനന്തപുരം എസ്.യു.ടി ആശുപത്രിയിൽ അതീവ ഗുരുതരാവസ്ഥയിൽ കഴിയുന്ന ബാലചന്ദ്രകുമാറിന്റെ ചികിത്സയ്ക്കായി 20 ലക്ഷത്തിലേറെ രൂപ വേണമെന്നും എല്ലാവരുടെയും സഹായം വേണമെന്നും ഭാര്യ ഷീബ അഭ്യർത്ഥിച്ചു. 
  കൊച്ചിയിൽ നടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് നടൻ ദിലീപിനെതിരെ ഗുരുതരമായ വെളിപ്പെടുത്തലുകൾ നടത്തി കേസിൽ ഇരക്കു വേണ്ടി ധീരമായി പൊരുതിയ ആളാണ് ബാലചന്ദ്ര കുമാർ. വൃക്ക മാറ്റിവയ്ക്കാൻ 20 ലക്ഷം രൂപ വേണമെന്നും ഒരു ഇൻഷൂറൻസ് സപ്പോർട്ടുമില്ലാതെ ഇതിനകം 10 ലക്ഷം രൂപ ചെലവഴിച്ചുവെന്നും ഭാര്യ വ്യക്തമാക്കി. കുടുംബത്തിൽ വരുമാനമുണ്ടായിരുന്ന ഒരേയോരാൾ ബാലചന്ദ്രനായിരുന്നുവെന്നും മറ്റാർക്കും കാര്യമായ സാമ്പത്തിക ശേഷിയില്ലെന്നും അവർ പറഞ്ഞു. രണ്ട് കുട്ടികളാണുള്ളത്. ദൈനംദിന ചെലവുകൾക്കൊപ്പം ഭർത്താവിന്റെ ചികിത്സയുടെ ചെലവും കൂടിയെത്തിയതോടെ സാമ്പത്തികമായി തകർന്നിരിക്കുകയാണെന്നും ഷീബ അറിയിച്ചു. കുടുംബത്തിന് തീർത്തും അപ്രതീക്ഷിതമായിരുന്നു ഈ സംഭവം. ദുഷ്‌കരമായ ഈ സമയത്ത് ബാലചന്ദ്ര കുമാറിനൊപ്പം നില്ക്കാൻ തയ്യാറാകണം. കഴിയുന്ന സഹായം എല്ലാവരും ചെയ്തുതരണം. ചികിത്സാ ചെലവുകൾക്കായി നിങ്ങൾ സംഭാവന ചെയ്യുന്ന എത്ര തുകയും വളരെ വിലമതിക്കുന്നതാണെന്നും അക്കൗണ്ട് വിവരങ്ങൾ സഹിതം അവർ അറിയിച്ചു. കുടുംബത്തിനൊപ്പം ഏവരുടെയും പ്രാർത്ഥനയുണ്ടാകണമെന്നും ഷീബ അഭ്യർത്ഥിച്ചു. അക്കൗണ്ട് വിവരങ്ങൾ ചുവടെ:
Bank Name: RBL Bank
Account number : 2223330018007765
Account name : P Balachandra Kumar
IFSC code : RATN0VAAPIS
(The digit after N is Zero)
For UPI Transaction: assist.igbal1594@icici
Donations via ICICI Bank UPI and RBL Bank Transfer are safe with ImpactGuru.