കോട്ടയം- യുവാവിനെ കൊലപ്പെടുത്താന്‍ ശ്രമിച്ച കേസില്‍ നാലുപേര്‍ പോലീസ് പിടിയില്‍. കാവാലം പയറ്റുപാക്ക ഭാഗത്ത് പള്ളാത്തുരുത്തി വീട്ടില്‍ ബി. നിധിന്‍ ബാബു (33), ചങ്ങനാശ്ശേരി കാക്കാംതോട് ഭാഗത്ത് പുതുപ്പറമ്പില്‍ വീട്ടില്‍ ആദിത്യന്‍ സുധീര്‍ (27), കാവാലം കൈനടി നാരകത്തറ ഭാഗത്ത് 130ല്‍ചിറ വീട്ടില്‍ ടി. ദേവുമോന് (25), കാവാലം കൈനടി പയറ്റുപാക്ക ഭാഗത്ത് കണിയാന്തറ വീട്ടില്‍ നന്ദു ചന്ദ്രന്‍ (23) എന്നിവരെയാണ് തൃക്കൊടിത്താനം പോലീസ് അറസ്റ്റ് ചെയ്തത്.
പായിപ്പാട് പൊടിപ്പാറ സ്‌കൂള്‍ ഗ്രൗണ്ടില്‍ യുവാവിനേയും സുഹൃത്തുക്കളേയും ക്രിക്കറ്റ് ബാറ്റും സ്റ്റമ്പും ഉപയോഗിച്ച് ആക്രമിച്ച കേസിലാണ് പ്രതികള്‍ പിടിയിലായത്. ഗ്രൗണ്ടില്‍ വച്ച് കൂട്ടുകാരനെ ചീത്ത വിളിച്ചത് യുവാവ് ചോദ്യം ചെയ്തതോടെയാണ് നാല്‍വര്‍ സംഘം യുവാവിനെയും സുഹൃത്തുക്കളെയും ക്രിക്കറ്റ് ബാറ്റും സ്റ്റാമ്പും കൊണ്ട് ആക്രമിച്ച് കൊലപ്പെടുത്താന്‍ ശ്രമിച്ചത്.
പരാതിയെ തുടര്‍ന്ന് തൃക്കൊടിത്താനം പോലീസ് കേസ് രജിസ്റ്റര്‍ ചെയ്ത് നാലു പേരെയും അറസ്റ്റ് ചെയ്യുകയായിരുന്നു. ആദിത്യന്‍ സുധീറിന് ചങ്ങനാശ്ശേരി സ്റ്റേഷനിലും ദേവുമോന് കൈനടി സ്റ്റേഷനിലും ക്രിമിനല്‍ കേസ് നിലവിലുണ്ട്. തൃക്കൊടിത്താനം എസ്. ഐമാരായ ഷിബു കെ, ഫിലിപ്പ് കുട്ടി വര്‍ഗീസ്, രവീന്ദ്രന്‍ ആചാരി, ബിജുമോന്‍, എ. എസ്. ഐ എം. ഡി സജി, സി. പി. ഓമാരായ അരുണ്‍, സെല്‍വരാജ് എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്.
