ജിദ്ദ - നിയന്ത്രണം വിട്ട ബൈക്ക് കെട്ടിടത്തിലേക്ക് പാഞ്ഞുകയറി യുവാവിന് പരിക്കേറ്റു. വിദേശിയായ ഡെലിവറി ബോയിയുടെ ബൈക്ക് പരീക്ഷിച്ചു നോക്കുന്നതിനിടെയാണ് യുവാവ് അപകടത്തില്‍ പെട്ടത്. ബൈക്ക് പരീക്ഷിച്ചുനോക്കാന്‍ ഡെലിവിറി ബോയിയുടെ സമ്മതം യുവാവ് തേടുകകയായിരുന്നു. തുടര്‍ന്ന് അമിത വേഗതയില്‍ ഓടിക്കുന്നതിനിടെ നിയന്ത്രണം വിട്ട ബൈക്ക് കെട്ടിടത്തിന്റെ മുന്‍വശത്തെ പ്രവേശന കവാടത്തിലേക്ക് പാഞ്ഞുകയറുകയായിരുന്നു.
കെട്ടിടത്തിന്റെ മുന്‍വശത്തെ ചവിട്ടുപടികള്‍ മറികടന്ന ബൈക്ക് കെട്ടിടത്തിനകത്താണ് മറിഞ്ഞത്. യുവാവിന്റെ പരിക്ക് ഗുരുതരമല്ല. അപകടത്തില്‍ പെടുന്നതിനു തൊട്ടു മുമ്പ് ബൈക്ക് തടഞ്ഞുനിര്‍ത്താന്‍ ഡെലിവറി ബോയ് ശ്രമിച്ചെങ്കിലും വിഫലമായി. അപകടത്തിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിക്കുന്നുണ്ട്.
— مكة (@maka85244532) October 13, 2023
