.ആലപ്പുഴ - കരുവന്നൂര് ബാങ്ക് തട്ടിപ്പ് കേസില് പാര്ട്ടിക്കെതിരെ തുറന്നടിച്ച് ജി.സുധാകരന്. പാര്ട്ടി അന്വേഷണത്തില് പിഴവുണ്ടായെന്നും
കുറ്റം ചെയ്തതത് ആരൊക്കെയെന്ന് പൊതുസമൂഹത്തോട് പറയാന് പാര്ട്ടിക്ക് കഴിഞ്ഞില്ലെന്നും അദ്ദേഹം കുറ്റപ്പെടുത്തി. തെറ്റ് ചെയ്യുന്നത് ഏത് കൊലക്കൊമ്പനായാലും നടപടിയെടുക്കാന് പാര്ട്ടി തയ്യാറാകണം. കരുവന്നൂര് കേസില് കുറ്റക്കാരുടെ സ്വത്ത് കണ്ടുകെട്ടണം. കേസ് അന്വേഷിക്കുന്ന ഇ ഡിയെ തടയാനാകില്ല. പിഴവുണ്ടെങ്കില് പരിശോധിക്കുന്നതില് തടസ്സമില്ല. എം കെ കണ്ണന് കാര്യങ്ങള് ഇഡിയെ ബോധ്യപ്പെടുത്തണം. അല്ലാതെ ചോദ്യം ചെയ്യലില് നിന്ന് ഒഴിഞ്ഞുമാറുകയല്ല വേണ്ടതെന്നും അദ്ദേഹം ഒരു ടെലിവിഷന് ചാനലുമായി നടത്തിയ അഭിമുഖത്തില് സുധാകരന് പറഞ്ഞു.
നിയമസഭാ തെരഞ്ഞെടുപ്പുമായി ബന്ധപ്പെട്ട് ആലപ്പുഴയില് പാര്ട്ടി സ്ഥാനാര്ത്ഥികളെ തോല്പ്പിക്കാന് താന് പ്രവര്ത്തിച്ചിട്ടില്ലെന്ന് അദ്ദേഹം പറഞ്ഞു. ഇടത് സ്ഥാനാര്ത്ഥികളുടെ വിജയത്തിനായി മുഴുവന് സമയവും താന് പ്രവര്ത്തിച്ചു. എന്നാല് പരാതി അന്വേഷിച്ച എളമരം കമ്മീഷന് താന് പ്രവര്ത്തിച്ചില്ലെന്ന് റിപ്പോര്ട്ടില് എഴുതിവച്ചു. ഇതിന് പിന്നില് ആരൊക്കെയെന്ന് താന് വെളിപ്പെടുത്തും. എല്ലാം ജനങ്ങളെ ധരിപ്പിക്കുമെന്നും ജി സുധാകരന് അഭിമുഖത്തില് പറഞ്ഞു.
