നിലമ്പൂര്‍- തെങ്ങില്‍ നിന്നും തേങ്ങ പറിച്ചെറിഞ്ഞ് വീട്ടമ്മയുടെ കൈയ്യൊടിച്ച് കുരങ്ങ്. മലപ്പുറം ജില്ലയിലെ നിലമ്പൂരിലാണ് നടുക്കുന്ന സംഭവം. അമരമ്പലം മാമ്പൊയിലില്‍ പോക്കാട്ടില്‍ സലോമിക്കാണ് (56) പരിക്കേറ്റത്.കുരങ്ങന്റെ തേങ്ങാ ആക്രമണത്തില്‍ ഇടതു കൈ ഒടിഞ്ഞ സലോമിയെ സ്വകാര്യ ആശുപത്രിയില്‍ പ്രവേശിപ്പിച്ചു. 26ന് വൈകിട്ട് 4 നായിരുന്നു സംഭവം.
വീട്ടുമുറ്റത്ത് ജോലി ചെയ്യുമ്പോഴായിരുന്നു കുരങ്ങന്റെ ആക്രമണം. അമരമ്പലം റിസര്‍വ് വനത്തിന് സമീപം ആണ് മാമ്പൊയില്‍. വനത്തിന്റെ മൂന്ന് വശം ജനവാസ മേഖലയും ഒരു ഭാഗം പുഴയും ആണ്.
എന്നാല്‍ ഈ പ്രദേശത്ത് ആദ്യമായാണ് മനുഷ്യനെ കുരങ്ങ് ആക്രമിക്കുന്നത്. വീട്ടമുറ്റത്തെ തെങ്ങില്‍ നിന്നാണ് തേങ്ങ പറിച്ച് കുരങ്ങന്‍ സലോമിയെ എറിഞ്ഞത്. സംഭവം നാടിനെ ഒന്നടങ്കം ഞെട്ടിച്ചിരിക്കുകയാണ്.
