തൃശൂര്-കയ്പ്പമംഗലം വഞ്ചിപ്പുരയില് കാര് മരത്തിലിടിച്ച് രണ്ട് യുവാക്കള്ക്ക് ദാരുണാന്ത്യം. നാല് പേര്ക്ക് പരിക്കേറ്റു. ഇന്ന് പുലര്ച്ചെ ഒന്നേകാലോടെ മാടാനിക്കുളം വഞ്ചിപ്പുര റോഡിലായിരുന്നു അപകടം. സുഹൃത്തുക്കളായ ഏഴ് പേരാണ് കാറില് ഉണ്ടായിരുന്നത്. പള്ളിത്താനം സ്വദേശികളായ മതിലകത്ത് വീട്ടില് മുഹമ്മദിന്റെ മകന് അബ്ദുല് ഹസീബ് (19), കുന്നുങ്ങല് അബ്ദുല് റസാക്കിന്റെ മകന് ഹാരിസ് (19) എന്നിവരാണ് മരിച്ചത്.ചളിങ്ങാട് നബിദിന ആഘോഷത്തിന്റെ ഭാഗമായുള്ള പരിപാടികള് കണ്ട് മടങ്ങുന്നതിനിടെയാണ് അപകടം. നിയന്ത്രണം വിട്ട കാര് റോഡരികിലെ മരത്തിലിടിക്കുകയായിരുന്നു. പരിക്കേറ്റവരെ കൊടുങ്ങല്ലൂരിലെ ആശുപത്രിയില് എത്തിച്ചെങ്കിലും രണ്ട് പേരുടെ ജീവന് രക്ഷിക്കാന് സാധിച്ചില്ല. വലപ്പാട് സ്വദേശികളായ അഭയ് കൃഷ്ണ, അനന്തു, അര്ജുന്, കയ്പമംഗലം സ്വദേശി വിഷ്ണു എന്നിവര്ക്കാണ് പരിക്കറ്റത്.
