കണ്ണൂര് - കണ്ണൂര് കൂത്തുപറമ്പില് ഫുട്ബോള് കളിക്കുന്നതിനിടെ വിദ്യാര്ത്ഥി കുഴഞ്ഞ് വീണ് മരിച്ചു. നീര്വേലി സ്വദേശി സിനാന് (19) ആണ് മരിച്ചത്. ഇന്നലെ രാത്രി പത്തരയോടെ കുത്തുപറമ്പ് മുരിയാടുളള ടര്ഫില് വെച്ച് ഫുട്ബാള് കളിക്കുന്നതിനിടെ സിനാന് കുഴഞ്ഞ് വീഴുകയായിരുന്നു. ഉടന് തന്നെ കണ്ണൂരിലെ സ്വകാര്യ ആശുപത്രിയില് എത്തിച്ചെങ്കിലും ഇന്ന് പുലര്ച്ചെയോടെ മരണമടഞ്ഞു.
