ദുബായ്- പുതുപ്പള്ളി ഉപതെരഞ്ഞെടുപ്പിനും വിവാദത്തിനും ശേഷം വീണ്ടും കണ്ടന്റ് ക്രിയേഷൻ ലോകത്തേക്ക് തിരിച്ചെത്തി അച്ചു ഉമ്മൻ. 'കണ്ടന്റ് ക്രിയേഷൻ 'എന്ന കലയെ ആശ്‌ളേഷിച്ചുകൊണ്ട് താൻ തിരിച്ചെത്തിയിരിക്കുന്നുവെന്ന് കുറിച്ചുകൊണ്ടാണ് അച്ചു ഉമ്മൻ പുതിയ ചിത്രം പങ്കുവെച്ചിരിക്കുന്നത്. ഡാഷ് ആൻഡ് ഡോട്ട് എന്ന ഫാഷൻ ബ്രാൻഡിന്റെ സ്ലീവ്‌ലെസ് പാന്റ് സ്യൂട്ടിനൊപ്പം ഗുച്ചിയുടെ പേൾ മുത്തുകൾ പതിപ്പിച്ച ചുവന്ന ലെതറിലുള്ള മിനി ബ്രോഡ്‌വേ ബീ ഷോൾഡർ ബാഗാണ് അച്ചു ഉമ്മൻ അണിഞ്ഞിരിക്കുന്നത്.
'കണ്ടന്റ് ക്രിയേഷൻ എന്ന കലയെ ആശ്‌ളേഷിച്ചുകൊണ്ട് ഞാൻ തിരിച്ചെത്തിയിരിക്കുകയാണ്. ഇവിടെ എന്റെ സത്തയെ മിനുക്കിയെടുക്കുകയെന്നതാണ് എന്റെ ലക്ഷ്യം. പശ്ചാത്താപം ലേശമില്ലാത്ത ആത്മപ്രകാശനത്തിന്റെ പ്രതീകമാണ്, ഈ ജോലിയോടുള്ള എന്റെ അജയ്യമായ സ്‌നേഹത്തിന്റെ തെളിവാണ് ഇത് എന്ന ക്യാപ്ഷനാണ് ചിത്രത്തിനൊപ്പം ചേർത്തിരിക്കുന്നത്.
