തൃശൂര്‍ - കരുവന്നൂര്‍ സഹകരണ ബാങ്ക് തട്ടിപ്പ് കേസുമായി ബന്ധപ്പെട്ട് ഈ മാസം ചോദ്യം ചെയ്യലിന് ഹാജരാകാമെന്ന് കാണിച്ച് എ സി മൊയ്തീന് എം എല്‍ എ ഇഡിയ്ക്ക് മറുപടി നല്‍കി. അക്കൗണ്ടുകളുടെ ഓഡിറ്റ് നടക്കുന്നതിനാലാണ് ഹാജരാകുന്നതില്‍ താമസം നേരിടുന്നതെന്ന് മൊയ്തീന് കത്തില്‍ പറഞ്ഞു. മൊയ്തീന് വീണ്ടും നോട്ടീസയക്കാനാണ് ഇ ഡിയുടെ തീരുമാനം. ഓഗസ്റ്റ് ഒന്നിന് ഹാജരാകണമെന്നാവശ്യപ്പെട്ടാണ് ആദ്യം ഇ ഡി നോട്ടീസയച്ചത്. അന്ന് ഹാജരാവാനാവില്ലെന്ന് മൊയ്തീന് അറിയിച്ചു. പിന്നീട് സെപ്റ്റംബര്‍ നാലിന് ഹാജരാകാന്‍ ആവശ്യപ്പെട്ട് നോട്ടീസ് നല്‍കി. എന്നാല്‍ രേഖകള്‍ ശേഖരിക്കാനായില്ലെന്ന് ചൂണ്ടിക്കാട്ടി ഹാജരാകാന്‍ സാധിക്കില്ലെന്ന് അറിയിച്ചു. എ സി മൊയ്തീന്റെ വീട്ടിലെ ഇ ഡി റെയ്ഡിന് ബാങ്ക് അക്കൗണ്ട് മരവിപ്പിച്ചിരുന്നു. 30 ലക്ഷം രൂപയുടെ എഫ് ഡി അക്കൗണ്ടാണ് മരവിപ്പിച്ചത്.
