ന്യൂദല്‍ഹി- ഇന്ത്യയുടെ സാമ്പത്തിക വളര്‍ച്ചാ സാധ്യതകളില്‍ കൂടുതല്‍ ശ്രദ്ധ ചെലുത്തേണ്ട ആവശ്യകതയെ എടുത്തുകാട്ടി ആഗോള സെന്‍ട്രല്‍ ബാങ്കര്‍മാരുടെ ജാക്‌സണ്‍ ഹോള്‍ സാമ്പത്തിക സിമ്പോസിയം. സാമ്പത്തിക രംഗത്ത് ആഗോളതലത്തില്‍ സംഭവിക്കുന്ന അഞ്ച് മാറ്റങ്ങളില്‍ ഒന്ന് ഇന്ത്യയുടെ മുന്നേറ്റമാണെന്ന് സിമ്പോസിയം വിലയിരുത്തി. അടുത്തവര്‍ഷങ്ങളില്‍ ചൈനയ്ക്ക് ഇന്ത്യ വെല്ലുവിളിയാകുമെന്നും 20230ഓടെ ഇന്ത്യ മുന്നിലെത്തുമെന്നും സിമ്പോസിയം വ്യക്തമാക്കി.
കൂടുതല്‍ ചരക്കുകളും സേവനങ്ങളും ഉത്പാദിപ്പിക്കുന്നതിനാല്‍ വര്‍ഷങ്ങളായി ഉയര്‍ന്ന വരുമാനമുള്ള രാജ്യങ്ങള്‍ക്കൊപ്പം ചൈനയുടെ സമ്പത്തും ആഗോള സമ്പദ്വ്യവസ്ഥയില്‍ ആധിപത്യം പുലര്‍ത്തുന്നുണ്ടെന്ന് വിലയിരുത്തിയ സിമ്പോസിയം ചൈനയുടെ സമ്പദ് വ്യവസ്ഥ പ്രതിവര്‍ഷം എട്ട് ശതമാനം വളര്‍ച്ച നേടുന്നതായും ചൂണ്ടിക്കാട്ടി. എന്നാല്‍ ആ നാളുകള്‍ അവസാനിക്കുകയാണന്നും സിമ്പോസിയം സാധ്യതകള്‍ നിരത്തി പ്രസ്താവിച്ചു.
പര്‍ച്ചേസിംഗ് പവര്‍ പാരിറ്റി എക്സ്ചേഞ്ച് നിരക്കുകള്‍ ഉപയോഗിച്ച് അളക്കുന്ന ചൈനയുടെ സമ്പദ്‌വ്യവസ്ഥ ഇന്ത്യയുടെ ഇരട്ടിയിലധികം വലിപ്പമുള്ളതാണെങ്കിലും അതിന്റെ അടിസ്ഥാന വളര്‍ച്ചാ നിരക്ക് മന്ദഗതിയിലാണ്. ജനസംഖ്യയില്‍ മാത്രമല്ല, ആഗോള വളര്‍ച്ചയ്ക്കുള്ള സംഭാവനയിലും ഇന്ത്യ ഉടന്‍ തന്നെ അയല്‍രാജ്യത്തിന് എതിരാളിയാകും.
