കൊച്ചി-എറണാകുളത്ത് ഹോട്ടിലിൽ താമസിച്ചിരുന്ന എയർ ഹോസ്റ്റസിനെ മാനഭംഗപ്പെടുത്താൻ ശ്രമിച്ച കേസിൽ ഹോട്ടൽ ജീവനക്കാരൻ കസ്റ്റഡിയിൽ. കോട്ടയം കീഴ്ക്കുന്ന് സ്വദേശിയായ ടിനു ഫിലിപ്പി (24) നെയാണ് പാലാരിവട്ടം പോലീസ് പിടികൂടിയത്.
ചൊവ്വാഴ്ച ഉച്ചയോടെയാണ് സംഭവം . പാലാരിവട്ടം ഹോളിഡേ ഇൻ ഹോട്ടലിൽ താമസിച്ചു വന്ന എയർ ഹോസ്റ്റസായ നാഗാലാൻഡ് സ്വദേശിനിയെ പീഡിപ്പിക്കാൻ ശ്രമിച്ചെന്നാണ് കേസ്. ഹോട്ടലിലെ ക്ലീനിംഗ് സ്റ്റാഫായ പ്രതി മുറിയിലെ വേസ്റ്റ് ക്ലീൻ ചെയ്യുവാൻ എന്ന വ്യാജേന എത്തി മാനഭംഗപ്പെടുത്താൻ ശ്രമിക്കുകയായിരുന്നു.
