തിരുവനന്തപുരം-സ്പീക്കർ എ.എൻ ഷംസീറിന്റെ പരാമർശത്തിൽ പ്രതിഷേധിച്ച് എൻ.എസ്.എസ് തിരുവനന്തപുരത്ത് നടത്തിയ നാമജപ ഘോഷയാത്രക്ക് എതിരെ എടുത്ത കേസ് എഴുതിത്തള്ളാൻ നീക്കം. എൻ.എസ്.എസ് നടത്തിയ ജാഥയ്ക്ക് ഗൂഢലക്ഷ്യമില്ലെന്ന് റിപ്പോർട്ട് നൽകി കേസ് ഒഴിവാക്കും. നിയമോപദേശത്തിന് ശേഷമായിരിക്കും പോലീസിന്റെ തുടർനടപടി.
ഷംസീറിന്റെ പരാമർശത്തിൽ പ്രതിഷേധിച്ച് ഓഗസ്റ്റ് രണ്ടിനാണ് എൻ.എസ്.എസ് തിരുവനന്തപുരം താലൂക്ക് യൂണിയൻ തലസ്ഥാനത്ത് നാമജപ ഘോഷയാത്ര നടത്തിയത്. പാളയം ഗണപതി ക്ഷേത്രത്തിന് മുന്നിലേക്കായിരുന്നു നാമജപയാത്ര.
