കൊച്ചി - സംസ്ഥാന ചലച്ചിത്ര അവാര്‍ഡ് പ്രഖ്യാപനം റദ്ദാക്കണമെന്നാവശ്യപ്പെട്ട് ഹൈക്കോടതിയില്‍ സംവിധായകന്റെ ഹര്‍ജി. അവാര്‍ഡ് നിര്‍ണ്ണയുമായി ബന്ധപ്പെട്ട് വിവാദങ്ങള്‍ തുടരുന്നതിനിടെയാണ് 'ആകാശത്തിന് താഴെ' എന്ന സിനിമയുടെ സംവിധായകന്‍ ലിജീഷ് മുല്ലേഴത്ത് ഹൈക്കോടതിയില്‍ ഹര്‍ജി സമര്‍പ്പിച്ചത്. പുരസ്‌കാര നിര്‍ണ്ണയത്തില്‍ സ്വജനപക്ഷപാതം ഉണ്ടായെന്നും ചലച്ചിത്ര അക്കാദമി ചെയര്‍മാന്‍ രഞ്ജിത്ത് നിയമവിരുദ്ധമായി അവാര്‍ഡ് നിര്‍ണ്ണയിത്തില്‍ ഇടപെട്ടുവെന്നുമാണ് ഹര്‍ജിയില്‍ ആരോപിക്കുന്നത്. രഞ്ജിത്തിന് ചലച്ചിത്ര അക്കാദമി ചെയര്‍മാന്‍ സ്ഥനത്ത് തുടരാന്‍ അര്‍ഹതയില്ലെന്നും ഹര്‍ജിക്കാരന്‍ ആരോപിക്കുന്നു.
