ഇടുക്കി- എക്സൈസ് പരിശോധനയില്‍ രണ്ടുലക്ഷം രൂപയുടെ എം.ഡി.എം.എയുമായി മൂന്നു യുവാക്കള്‍ പിടിയില്‍. നേര്യമംഗലം സ്വദേശികളായ മുരീക്കല്‍ ജോണ്‍സണ്‍ എല്‍ദോസ്, കാനാട്ടുകുടിയില്‍ അനിലേഷ് തങ്കന്‍, മുവാറ്റുപുഴ കുന്നക്കാല്‍ പടിഞ്ഞാറേ മുറിതോട്ടത്തില്‍ ആല്‍വിന്‍ ചാക്കോ എന്നിവരാണ് അറസ്റ്റിലായത്.
അടിമാലി- കൊരങ്ങാട്ടി റോഡിലുള്ള ലോഡ്ജില്‍ സംശയാസ്പദമായി കണ്ട യുവാക്കളെ പിടികൂടി ചോദ്യം ചെയ്തപ്പോഴാണ് മാരക ലഹരിമരുന്നായ എം.ഡി.എം.എ കണ്ടെത്തിയത്. ലോഡ്ജ് മുറിയില്‍ നിന്നാണ് 2.042 ഗ്രാം എം.ഡി.എം.എ പിടികൂടിയത്. അന്താരാഷ്ട്ര വിപണിയില്‍ ഗ്രാമിന് ഒരു ലക്ഷം രൂപയിലധികം വിലവരുന്ന മെത്ത്, പാര്‍ട്ടി ഡ്രഗ് എന്ന പേരുകളില്‍ അറിയപ്പെടുന്ന എംഡിഎംഎ കൈവശം സൂക്ഷിക്കുന്നത് പത്ത് വര്‍ഷം വരെ തടവും ഒരു ലക്ഷം രൂപ പിഴയും ലഭിക്കാവുന്ന കുറ്റമാണ്.
അടിമാലി എക്സൈസ് റേഞ്ച് ഇന്‍സ്പെക്ടര്‍ എ. കുഞ്ഞുമോന്റെ നേതൃത്വത്തില്‍ നടത്തിയ പരിശോധനയില്‍ ഓഫീസര്‍മാരായ പി. എ സെബാസ്റ്റ്യന്‍, സിവില്‍ എക്സൈസ് ഓഫീസര്‍ മീരാന്‍ കെ. എസ്, ഡൈവര്‍ ശരത് എസ് .പി എന്നിവരും പങ്കെടുത്തു. പ്രതികളെ അടിമാലി കോടതിയില്‍ ഹാജരാക്കി റിമാന്‍ഡ് ചെയ്തു.
