ദമാം- ജുബൈലിൽ നിര്യാതനായ കാസർകോട് മഞ്ചേശ്വരം സ്വദേശി മുഹമ്മദ് ഫക്രുദ്ദീന്റെ മൃതദേഹം ജുബൈലിൽ ഖബറടക്കി. കുടുബത്തോടാപ്പോം സന്ദർശക വിസയിൽ സൗദിയിൽ എത്തിയ മുഹമ്മദ് ഫക്രുദീൻ രണ്ട് ദിവസം മുമ്പാണ് ജുബൈൽ ജനറൽ ഹോസ്പിറ്റലിൽ ചികത്സയിലിരിക്കെ മരണപ്പെട്ടത്. ഐ സി എഫിന്റെയും - കെ സി എഫിന്റെയും സഹകരണത്തോടെ നടപടി ക്രമങ്ങൾ പൂർത്തീകരിച്ച് ജുബൈൽ ഖബർ സ്ഥാനിൽ ഖബറടക്കി.
സാമൂഹിക പ്രവർത്തകനും ഐ സി എഫ് നേതാവുമായ അഷ്‌റഫ് സഖാഫി നേതൃത്വം നൽകി. ഖദീജയാണ് ഭാര്യ- മക്കൾ ഫയാസ്, ഹസീന, പരേതനായ ഫസൽ മരുമകൻ - സുബൈർ ഉച്ചില.
