ദോഹ- ഖത്തർ കെ.എം.സി.സി കോഴിക്കോട് ജില്ലാ കലാ സാംസ്‌കാരിക വിഭാഗം 'ഗ്രാമിക' വൈക്കം മുഹമ്മദ് ബഷീർ അനുസ്മരണം നടത്തി. തുമാമ കെ.എം.സി.സി ഹാളിൽ സംഘടിപ്പിച്ച അനുസ്മരണ പരിപാടി ഖത്തർ കെ.എം.സി.സി സ്‌റ്റേറ്റ് ജന. സെക്രട്ടറി സലീം നാലകത്ത് ഉദ്ഘാടനം ചെയ്തു.
അനുസ്മരണ പരിപാടിയിൽ ബിജു പി.മംഗലം മുഖ്യപ്രഭാഷണം നടത്തി. ഗ്രാമിക ചെയർമാൻ മജീദ് നാദാപുരം അധ്യക്ഷത വഹിച്ച പരിപാടിയിൽ ഖത്തർ വിമൻസ് എഞ്ചിനീയേഴ്‌സ് ഫോറം പ്രസിഡന്റ് സബീന എം.കെ, ആക്ടിവിസ്റ്റ് ഫെമിന, സ്‌റ്റേറ്റ് കെ.എം.സി.സി ആക്ടിങ് പ്രസിഡന്റ് അൻവർ ബാബു വടകര, കോഴിക്കോട് ജില്ലാ കെ.എം.സി.സി ആക്ടിംഗ് പ്രസിഡന്റ് ഷരീഫ് പി.സി, സ്‌റ്റേറ്റ് കെ.എം.സി.സി മുൻ പ്രസിഡന്റ് എസ്.എ.എം ബഷീർ, മുൻ ജില്ലാ ജനറൽ സെക്രട്ടറി എം.പി ഇല്യാസ് മാസ്റ്റർ, നാടക കലാകാരൻ ബഷീർ ചേറ്റുവ, റഫീഖ് മേച്ചേരി, ജാഫർ ജാതിയേരി തുടങ്ങിയവർ സംസാരിച്ചു. ജില്ലാ കെ.എം.സി.സി ഖജാൻജി അജ്മൽ തങ്ങലക്കണ്ടി, ഭാരവാഹികളായ നബീൽ നന്തി, കെ.കെ ബഷീർ, മുജീബ് ദേവർകോവിൽ, മമ്മു ഷമ്മാസ്, ഫിർദൗസ് മണിയൂർ, ഷബീർ മേമുണ്ട എന്നിവർ സംബന്ധിച്ചു.
മജീദ് നാദാപുരം സംവിധാനം ചെയ്ത 'ബഷീർ ഓർമ്മകളിലൂടെ' എന്ന ദൃശ്യാവിഷ്‌കാരം പ്രദർശിപ്പിച്ചു. ഫൈസൽ അബൂബക്കർ അനുസ്മരണ കവിതയും, അഷ്‌റഫ് വടക്കയിൽ അനുസ്മരണ ഗാനവും ആലപിച്ചു. ഗ്രാമിക ജനറൽ കൺവീനർ ഒ.കെ.മുനീർ സ്വാഗതവും സുബൈർ വാണിമേൽ നന്ദിയും പറഞ്ഞു.
