തിരുവനന്തപുരം - എയര്‍ ഇന്ത്യയുടെ വിമാനങ്ങള്‍ വൈകുന്നത് തുടര്‍ക്കഥയാകുന്നു. യാത്രക്കാര്‍ പ്രതിഷേധത്തില്‍. പൈലറ്റ് എത്താത്തതിനെ തുടര്‍ന്ന് ദല്‍ഹിയില്‍ നിന്ന് തിരുവനന്തപുരത്തേക്കുള്ള വിമാനം എട്ട് മണിക്കൂറോളം വൈകിയാണ് പുറപ്പെട്ടത്. ഇന്നലെ രാത്രി 9.45ന് പുറപ്പെടേണ്ട വിമാനം രാവിലെ ആറിനാണ് പുറപ്പെട്ടത്. രാത്രി ഉറക്കമൊഴിഞ്ഞ് കാത്തിരുന്നിട്ടും വിമാനം അനിശ്ചിതമായി വൈകിയതോടെ വിമാനത്താവളത്തില്‍ യാത്രക്കാര്‍ പ്രതിഷേധിച്ചു.
ഇന്നലെ മണിക്കൂറുകള്‍ വൈകിയായിരുന്നു മുംബൈയില്‍ നിന്ന് കോഴിക്കോടേക്കുള്ള എയര്‍ ഇന്ത്യ വിമാനം പുറപ്പെട്ടത്. പൈലറ്റ് ഉറങ്ങിപ്പോയതുകൊണ്ടാണ് വിമാനം വൈകുന്നതെന്നാണ് ആദ്യം അധികൃതര്‍ അറിയിച്ചതെന്നു യാത്രക്കാര്‍ പറഞ്ഞു. എന്നാല്‍ ഇത് വിവാദമാകുമെന്ന് തിരിച്ചറിഞ്ഞതോടെ സാങ്കേതിക തകരാറാണ് വിമാനം വൈകുന്നതിന്റെ കാരണമെന്ന് അറിയിക്കുകയായിരുന്നു.
