ദോഹ- പെരുന്നാളവധി ആഘോഷിക്കുന്നതിന് ഖത്തറില്‍നിന്ന് ബഹറൈനിലേക്ക് പോകുന്ന വഴി സൗദിയിലെ ഹുഫൂഫിനടുത്ത് വെച്ചുണ്ടായ വാഹനാപകടത്തില്‍ മരിച്ച കോട്ടയം മണക്കനാട് സ്വദേശി എബി അഗസ്റ്റിന്റെ മൃതദേഹം നാളെ സംസ്‌കരിക്കുമെന്ന് ബന്ധുക്കള്‍ അറിയിച്ചു. എല്ലാ നടപടിക്രമങ്ങളും പൂര്‍ത്തിയതായും നാളെ രാവിലെ 9 മണിയോടെ സൗദിയില്‍
നിന്ന് മൃതദേഹം കൊച്ചിയിലെത്തിക്കുമെന്നും ബന്ധപ്പെട്ടവര്‍ അറിയിച്ചിട്ടുണ്ട്.
തുടര്‍ന്ന് മണക്കനാട് എല്‍ പി സ്‌കൂള്‍, കോഴഞ്ചേരി സെന്റ് ജോസഫ് കുരിശുപള്ളി എന്നിവിടങ്ങളില്‍ എത്തിക്കും. പൈക്കാട് സെന്റ് സെബാസ്റ്റ്യണ്‍ ചര്‍ച്ചില്‍ വൈകുന്നേരം 4.30 ഓടെ സംസ്‌കാരംനടക്കും.
