തിരുവനന്തപുരം - പാറശാല പരശുവയ്ക്കലില്‍ സ്‌കൂള്‍ വിദ്യാര്‍ത്ഥിനിയുടെ മൃതദേഹം റെയില്‍വേ ട്രാക്കില്‍ കണ്ടെത്തി. പളുക്കല്‍ ഹയര്‍ സെക്കണ്ടറി സ്‌കൂളിലെ പത്താം ക്ലാസ് വിദ്യാര്‍ത്ഥിയായ ഇബ്ലീന്‍ ജോയ് ആണ് മരിച്ചത്. പാറശാല പൊലീസ് സ്ഥലത്തെത്തി പരിശോധന നടത്തി. ട്രെയിനിന്റെ ലോക്കോ പൈലറ്റാണ് ആദ്യം മൃതദേഹം കണ്ടത്. റെയില്‍വേ പൊലീസില്‍ വിവരം അറിയിക്കുകയായിരുന്നു. തുടര്‍ന്ന് പൊലീസ് എത്തി പരിശോധന നടത്തി. സ്‌കൂള്‍ യൂണിഫോമിലായിരുന്നു വിദ്യാര്‍ത്ഥിനിയുടെ മൃതദേഹം .സ്‌കൂള്‍ ബാഗും പരിസരത്ത് നിന്നും പൊലീസ് കണ്ടെത്തി. ഐഡന്റിറ്റി കാര്‍ഡിലൂടെയാണ് കുട്ടിയെ തിരിച്ചറിഞ്ഞത്. പോലീസ് അന്വേഷണം നടത്തി വരികയാണ്.
