ജിദ്ദ- ഖുലൈസ് ജനറൽ ഹോസ്പിറ്റൽ നഴ്‌സ് ഷിജി എലിസബത്തിന് കെ.എം.സി.സി ഖുലൈസ് കമ്മിറ്റി യാത്രയയപ്പ് നൽകി.
ചടങ്ങിൽ ഹോസ്പിറ്റലുമായി ബന്ധപ്പെട്ട ജീവകാരുണ്യ പ്രവർത്തനത്തിൽ ആത്മാർഥമായ സഹകരണം നൽകിയ ഷിജി എലിസബത്തിനെ ഖുലൈസ് കെ.എം.സി.സി ഭാരവാഹികൾ ഉപഹാരം നൽകി ആദരിച്ചു.
ഖുലൈസ് കെ.എം.സി.സി കമ്മിറ്റി ജോയിന്റ് സെക്രട്ടറി റാഷിഖ് മഞ്ചേരി ഉപഹാരം കൈമാറി. കോവിഡ് കാലത്ത് സ്തുത്യർഹമായ സേവനം നടത്തിയ ഖുലൈസ് ജനറൽ ഹോസ്പിറ്റൽ നഴ്‌സുമാരെ ഏതാനും മാസങ്ങൾക്ക് മുമ്പ് ഖുലൈസ് കെ.എം.സി.സി ആദരിച്ചിരുന്നു. ഖുലൈസ് കെ.എം.സി.സിയുടെ പ്രത്യേക നന്ദി അറിയിക്കുന്നതായും നേതാക്കൾ പറഞ്ഞു. റഷീദ് എറണാകുളം, ഷുക്കൂർ ഫറോക്ക്, നാസർ ഓജർ, ഷാഫി മലപ്പുറം, അക്ബർ ആട്ടീരി, ആരിഫ് പഴയകത്ത് എന്നിവർ ചടങ്ങിൽ പങ്കെടുത്തു.
