ജിദ്ദ- നിലമ്പൂർ മണ്ഡലത്തിൽ നിന്ന് ഹജ് വളണ്ടിയർമാരായി സേവനം ചെയ്യാൻ സന്നദ്ധരായ വളണ്ടിയർ സേനയെ പങ്കെടുപ്പിച്ചു കൊണ്ട് ജിദ്ദ നിലമ്പൂർ മണ്ഡലം കെ.എം.സി.സി ഹജ് വളണ്ടിയർ ക്യാമ്പ് സംഘടിപ്പിച്ചു. ബഗ്ദാദിയ ഇംപീരിയൽ റസ്റ്റോറന്റ് ഓഡിറ്റോറിയത്തിൽ നടന്ന വളണ്ടിയർ സംഗമം ജിദ്ദ കെ.എം.സി.സി സെൻട്രൽ കമ്മിറ്റി സെക്രട്ടറി അബൂബക്കർ അരിമ്പ്ര ഉദ്ഘാടനം ചെയ്തു.
കെ.എം.സി.സി വളണ്ടിയർമാർ വർഷങ്ങളായി ഹജ് സേവന രംഗത്ത് നടത്തുന്ന നിസ്തുലമായ പ്രവർത്തനത്തിന്റെ പത്തര മാറ്റ് തിളക്കം കൂട്ടുന്നതാണ് നിലമ്പൂർ മണ്ഡലം കെ.എം.സി.സിയുടെ പ്രവർത്തനമെന്നും മുൻ വർഷങ്ങളിലും ഹജ് വളണ്ടിയർ സേനയെ ഒരുക്കി മികവ് പുലർത്തിയ നിലമ്പൂർ മണ്ഡലം കമ്മിറ്റിയെ എത്ര പ്രശംസിച്ചാലും മതിവരില്ലെന്നും ഉദ്ഘാടന പ്രസംഗത്തിൽ അബൂബക്കർ അരിമ്പ്ര അഭിപ്രായപ്പെട്ടു. മണ്ഡലം കമ്മിറ്റി വൈസ് പ്രസിഡന്റ് അബ്ദുൽ ഹഖ് കൊല്ലേരി അധ്യക്ഷത വഹിച്ചു.
പി.സി.എ റഹ്മാൻ ഇണ്ണി (വൈസ് പ്രസിഡന്റ് സെൻട്രൽ കമ്മിറ്റി), ആബിദ് പട്ടാമ്പി (സെൻട്രൽ കമ്മിറ്റി ഹജ് വളണ്ടിയർ കോഡിനേറ്റർ), ഫൈസൽ നാരോക്കാവ് വളണ്ടിയർ ക്യാപ്റ്റൻ നിലമ്പൂർ മണ്ഡലം, റഫീഖ് കരുളായ് വൈസ് ക്യാപ്റ്റൻ, അമീൻ സ്വലാഹി നിലമ്പൂർ, സലീം മുണ്ടേരി, സിറാസ് കരുളായി എന്നിവർ പ്രസംഗിച്ചു. അബ്ദുൽ കരീം കൂറ്റമ്പാറ, ഉമ്മർ ചുങ്കത്തറ, അഫ്‌സൽ കെ.പി, അൻവർ ബാപ്പു വഴിക്കടവ്, സൽമാൻ കെ.പി, ഉസ്മാൻ എടക്കര എന്നിവർ ക്യാമ്പിന് നേതൃത്വം നൽകി. സെക്രട്ടറി സുബൈർ വട്ടോളി സ്വാഗതവും, ജാബിർ ചങ്കരത്ത് നന്ദിയും പറഞ്ഞു. ശിഹാബ് പൊറ്റമ്മൽ ഖിറാഅത്ത് നടത്തി.
