(തിരുവമ്പാടി) കോഴിക്കോട് - കാർ ഇരുവഴിഞ്ഞിപ്പുഴയിലേക്ക് മറിഞ്ഞ് ഒരാൾ മരിച്ചു. തിരുവമ്പാടി സ്വദേശി മുഹാജിറാ(45)ണ് മരിച്ചത്. കൂടെയുണ്ടായിരുന്ന റഹീസ് എന്നയാളെ ഗുരുതര പരുക്കുകളോടെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
വെള്ളിയാഴ്ച രാവിലെ 11-ഓടെയാണ് അപകടമുണ്ടായത്. തിരുവമ്പാടിയിൽ നിന്ന് കോടഞ്ചേരിയിലേക്ക് പോവുകയായിരുന്ന കാർ നിയന്ത്രണം വിട്ട് ഇരുവഴിഞ്ഞിപ്പുഴയിലേക്ക് മറിയുകയായിരുന്നു. റോഡിൽ ടാർ ചെയ്യാത്ത ഭാഗത്ത് എത്തിയപ്പോൾ കാർ നിയന്ത്രണം വിട്ടാണ് പുഴയിലേക്ക് മറിഞ്ഞത്. രണ്ടുപേരാണ് കാറിൽ ഉണ്ടായിരുന്നത്.
