സുല്‍ത്താന്‍ബത്തേരി-മുത്തങ്ങ ചെക്പോസ്റ്റില്‍ 1.250 കിലോഗ്രാം കഞ്ചാവുമായി യുവാവ് എക്സൈസിന്റെ പിടിയിലായി. താമരശേരി ഉണ്ണിക്കുളം പൂളൊന്നുകണ്ടി മുഹമ്മദ് ശുഹൈബിനെയാണ്(23) എക്സൈസ് ഇന്‍സ്പെക്ടര്‍ വി.പി.അനൂപും സംഘവും അറസ്റ്റുചെയ്തത്. മൈസൂരു-കോഴിക്കോട് കെ.എസ്.ആര്‍.ടി.സി ബസില്‍ പരിശോധനയിലാണ് കഞ്ചാവ് കണ്ടെത്തിയത്. പ്രിവന്റീവ് ഓഫീസര്‍മാരായ പി.ഷാജി, അരുണ്‍ പ്രസാദ് ,സിവില്‍ എക്സൈസ് ഓഫീസര്‍മാരായ എം.കെ.ബാലകൃഷ്ണന്‍, ജ്യോതിസ് മാത്യു, ഡ്രൈവര്‍ എം.എം.ജോയി എന്നിവരും ഉള്‍പ്പെടുന്ന സംഘമാണ് വാഹന പരിശോധന നടത്തിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
