വർണോത്സവം ജൂൺ 15 ന് റിയാദ് ഷിഫ റീമാസിൽ
റിയാദ്- വർണോത്സവം സീസൺ-3യുടെ പോസ്റ്റർ റിയാദിൽ പ്രകാശനം ചെയ്തു. കലയെയും കലാകാരന്മാരെയും എന്നും അകമഴിഞ്ഞ് പ്രോത്സാഹിപ്പിച്ചിട്ടുള്ള റിയാദിലെ പൊതുസമൂഹത്തിന് ആർ.എം.സി (റിയാദ് മ്യൂസിക് ക്ലബ്) യുടെ സ്‌നേഹോപഹാരം വർണോത്സവം സീസൺ-3യുടെ പോസ്റ്റർ പ്രകാശനം സാമൂഹ്യ പ്രവർത്തകരായ ഡോ.ജയചന്ദ്രനും ജയൻ കൊടുങ്ങല്ലൂരും റിയാദ് മ്യൂസിക് ക്ലബ് പ്രസിഡന്റ് സുബൈർ ആലുവയും ചേർന്ന് നിർവഹിച്ചു.
ചടങ്ങിൽ റിയാദ് മ്യൂസിക് ക്ലബ് ഭാരവാഹികളായ ലിജോ ജോൺ, സജ്ജാദ് പള്ളം, ഷമീർ വളാഞ്ചേരി, സുരേഷ് ശങ്കർ, ബാബു പൊറ്റെക്കാട്ട്, ബഷീർ കോട്ടയം, മുത്തലിബ് കോഴിക്കോട്, റിയാസ് പറവൂർ, അൻവർ കൊടുവള്ളി, നിസാർ കൊച്ചി, നിഷാദ്, സ്‌കറിയ ജോസഫ്, സുധീർ തുടങ്ങിയവർ പങ്കെടുത്തു. ജൂൺ 15 വ്യാഴാഴ്ച രാത്രി 7 മണി മുതൽ ഷിഫയിൽ ഉള്ള റീമാസ് ഓഡിറ്റോറിയത്തിൽ വെച്ച് വർണോത്സവം സീസൺ-3 അരങ്ങേറുമെന്നു സംഘാടകർ അറിയിച്ചു.
വർണോത്സവം സീസൺ-3 ൽ മലയാള സിനിമയിലെ നവ താരോദയവും അമൃത ചാനലിലെ ഫൺസ് അപ്പോൺ എ ടൈം എന്ന പ്രോഗ്രാമിലൂടെ മലയാളികളുടെ ഇഷ്ടതാരവുമായ കെ-7 മാമൻ എന്നറിയപ്പെടുന്ന സുധീർ പറവൂർ മുഖ്യാതിഥിയായി എത്തും. കൂടാതെ റിയാദ് മ്യൂസിക് ക്ലബ് അംഗങ്ങൾ അവതരിപ്പിക്കുന്ന കലാവിരുന്നും ഉണ്ടായിരിക്കും. വിന്റർ ടൈം കമ്പനിയാണ് പ്രോഗ്രാമിന്റെ മുഖ്യ പ്രായോജകർ. പരിപാടികൾ കാണുന്നതിനുള്ള സൗകര്യം സൗജന്യമാണെന്നും സംഘടകർ പത്രക്കുറിപ്പിലൂടെ അറിയിച്ചു.
