മലപ്പുറം - മലപ്പുറം മാറഞ്ചേരിയിൽ വിവാഹ സത്കാരത്തിൽ പങ്കെടുത്തവർക്ക് ഭക്ഷ്യവിഷബാധ. ഇതേ തുടർന്ന് നൂറോളം പേർ ചികിത്സ നേടിയതായാണ് വിവരം.
മലപ്പുറം മാറഞ്ചേരിയിൽ ബുധനാഴ്ച നടന്ന വിവാഹ സൽക്കാരത്തിൽ പങ്കെടുത്തവർക്കാണ് ഭക്ഷ്യവിഷബാധയുണ്ടായത്. മാറഞ്ചേരി പഞ്ചായത്തിലെ തുറുവാണം ദ്വീപിലുളളവരാണ് ചികിൽസയിലുള്ളത്. ഇന്നലെ വൈകീട്ട് മുതലാണ് ഭക്ഷ്യവിഷബാധയുടെ വിവിധ ലക്ഷണങ്ങൾ കണ്ടത്. ഇവർ വിവിധ ആശുപത്രികളിൽ ചികിത്സ തേടിയതായി നാട്ടുകാർ പ്രതികരിച്ചു. ആരുടേയും സ്ഥിതി ഗുരുതരമല്ലെന്നാണ് ആശുപത്രയിൽനിന്നുള്ള വിവരം.
