തിരുവനന്തപുരം - തിരുവനന്തപുരം പ്രസ്‌ക്ലബ്ബ് മുൻ ഭാരവാഹിയും മുതിർന്ന മാധ്യമപ്രവർത്തകനുമായ എസ്.എൽ ശ്യാം (54) അന്തരിച്ചു. അസുഖ ബാധിതനായി കുറച്ചു നാളായി ചികിത്സയിലായിരുന്നു. സംസ്‌കാരം ഇന്ന് വൈകിട്ട് ആറിന് തൈക്കാട് ശാന്തി കവാടത്തിൽ.
ദീപിക, കേരള കൗമുദി എന്നീ പത്രങ്ങളിൽ ലേഖകനായിരുന്ന ശ്യാം കലാകൗമുദി തിരുവനന്തപുരം ബ്യൂറോ ചീഫ് ആയും പ്രവർത്തിച്ചിട്ടുണ്ട്.
ഭാര്യ: ഇന്ദു (സെക്രട്ടേറിയറ്റ്). മകൻ: മാധവൻ.
മൂന്ന് മണിക്കൂറിനകം കേരളത്തിൽ 40 കി.മീ വേഗതയിൽ കാറ്റ്, നാല് ജില്ലകളിൽ മഴയ്ക്കും സാധ്യതയെന്ന് മുന്നറിയിപ്പ്
തിരുവനന്തപുരം - കേരളത്തിൽ അടുത്ത മൂന്ന് മണിക്കൂറിനകം അതിശക്തമായ കാറ്റിനും മഴയ്ക്കും സാധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. ആലപ്പുഴ, എറണാകുളം, തൃശൂർ, മലപ്പുറം എന്നി നാല് ജില്ലകളിൽ മഴയ്ക്കുള്ള മുന്നറിയിപ്പുമുണ്ട്. അടുത്ത മൂന്ന് മണിക്കൂറിനിടെ ഈ നാല് ജില്ലകളിലും ഒറ്റപ്പെട്ട ഇടങ്ങളിൽ മഴയ്ക്ക് സാധ്യതയുണ്ട്.
40 കിലോമീറ്റർ വേഗതയിൽ ശക്തമായ കാറ്റ് വീശാനും സാധ്യതയുണ്ട്. അതിനാൽ ജനങ്ങൾ ജാഗ്രത പാലിക്കണമെന്ന് കാലാവസ്ഥ വകുപ്പ് അറിയിച്ചു.
