ആലപ്പുഴ- പതിനൊന്നുകാരി പെണ്‍കുട്ടിയെ പീഡിപ്പിച്ച സംഭവത്തില്‍ 56കാരനെ മാരാരിക്കുളത്ത് അറസ്റ്റ് ചെയ്തു. മാരാരിക്കുളം തെക്ക് പഞ്ചായത്ത് രണ്ടാം വാര്‍ഡില്‍ പൊള്ളേത്തൈ ചിത്തിര വീട്ടില്‍ രാജേഷ് കുമാറിനെയാണ് മണ്ണഞ്ചേരി പോലീസ് അറസ്റ്റ് ചെയ്തത്.
പെണ്‍കുട്ടിയെ വീട്ടില്‍ കൊണ്ടുപോയി പല തവണ ലൈംഗികമായി പീഡിപ്പിച്ചുവെന്ന പരാതിയെ തുടര്‍ന്ന് പോക്സോ കേസെടുത്തതോടെ ഇയാള്‍ ഒളിവിലായിരുന്നു. എറണാകുളത്തു നിന്നാണ് ഇയാള്‍ അറസ്റ്റിലായത്.
പെണ്‍കുട്ടി വിവരം പറഞ്ഞതോടെയാണ് സംഭവം പുറത്തറിഞ്ഞത്. മണ്ണഞ്ചേരി ഇന്‍സ്പെക്ടര്‍ എസ്. എച്ച്. ഒ മോഹിത് പി. കെയുടെ നേതൃത്വത്തിലുള്ള സംഘമാണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
