തിരുവനന്തപുരം - ഓട്ടോറിക്ഷയില്‍ നിന്ന് തെറിച്ചു വീണ് ചികിത്സയിലായിരുന്ന ഗര്‍ഭിണി മരിച്ചു. ആഴംകോണം തോപ്പുവിളയില്‍ ഇന്നലെയാണ് സംഭവം. കുഴിവിള സ്വദേശി സുമിന (22) ആണ് മരിച്ചത്. ഭര്‍ത്താവുമൊത്തു വീട്ടിലേക്ക് യാത്ര ചെയ്യുമ്പോഴായിരുന്നു ഓട്ടോയില്‍ നിന്ന് റോഡിലേക്ക് വീണത്. ഭര്‍ത്താവുമായുണ്ടായ വാക്ക് തര്‍ക്കത്തിനൊടുവില്‍ ഇവര്‍ ഓട്ടോയില്‍ നിന്ന് എടുത്തു ചാടുകയായിരുന്നുവെന്നും സംശയമുണ്ട്. എന്നാല്‍ ഇക്കാര്യം സ്ഥിരീകരിച്ചിട്ടില്ല. വീഴ്ചയില്‍ തല ഇലക്ട്രിക് പോസ്റ്റില്‍ ഇടിക്കുകയായിരുന്നു. മെഡിക്കല്‍ കോളജില്‍ ചികിത്സയിലിരിക്കെയാണ് സുമിന ഇന്ന് മരിച്ചത്. സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്.
