വിജയപുര- കര്‍ണാടക നിയമസഭാ തെരഞ്ഞെടുപ്പിന് മുന്നോടിയായി കോണ്‍ഗ്രസ് നേതാവ് രാഹുല്‍ ഗാന്ധി വിജയപുരയില്‍ നടത്തിയ റോഡ് ഷോ വന്‍ ജനക്കൂട്ടത്തെ ആകര്‍ഷിച്ചു. പ്രത്യേകം രൂപകല്‍പന ചെയ്ത വാഹനത്തിനു മുകളില്‍ കയറിയ രാഹുല്‍ ഗാന്ധി തെരുവുകളിലും സമീപത്തെ കെട്ടിടങ്ങളിലും തടിച്ചുകൂടിയ ആളുകളെ കൈവീശി അഭിവാദ്യം ചെയ്തു.
ഛത്രപതി ശിവാജി മഹാരാജിന്റെ പ്രതിമയില്‍ പുഷ്പാര്‍ച്ചന നടത്തിയ ശേഷമാണ് രാഹുല്‍ റോഡ് ഷോ ആരംഭിച്ചത്. കോണ്‍ഗ്രസ് നേതാക്കളെയും വഹിച്ചുകൊണ്ടുള്ള വാഹനം ശിവാജി സര്‍ക്കിളില്‍ നിന്നും കനകദാസ സര്‍ക്കിളില്‍ നിന്നും താളമേളങ്ങളുടെ നടുവിലൂടെ തെരുവുകളിലൂടെ കടന്നുപോയപ്പോള്‍ നൂറുകണക്കിനാളുകള്‍ കോണ്‍ഗ്രസ് പതാക വീശി.
കര്‍ണാടക കോണ്‍ഗ്രസ് പ്രചാരണ സമിതി തലവന്‍ എം ബി പാട്ടീലും നിരവധി പാര്‍ട്ടി നേതാക്കളും പ്രവര്‍ത്തകരും റോഡ് ഷോയില്‍ രാഹുല്‍ ഗാന്ധിയെ അനുഗമിച്ചു.
12ാം നൂറ്റാണ്ടിലെ കവിയും സാമൂഹിക പരിഷ്‌കര്‍ത്താവുമായ ബസവേശ്വരയുടെ ജന്മദിനമായ ഇന്നലെ കുഡാല സംഗമത്തില്‍ അദ്ദേഹത്തിന് പുഷ്പാഞ്ജലി അര്‍പ്പിച്ച ശേഷാണ് രാഹുല്‍ ഗാന്ധി കര്‍ണ്ണാടകയിലെ ദ്വിദിന സന്ദര്‍ശനം രാഹുല്‍ ആരംഭിച്ചത്.
Rahul Gandhi's Roadshow in Vijayapura Karnataka
— Rohini Anand (@miss_roh08) April 23, 2023
Damn the crowd
God bless!!pic.twitter.com/5Aau4v6M6f
