തൃശൂർ - വിവാഹ വാഗ്ദാനം നല്കി യുവതിയെ പീഡിപ്പിച്ച കേസിൽ പോലീസുകാരൻ അറസ്റ്റിൽ. ഇടുക്കി എ.ആർ ക്യാമ്പിലെ ജീവനക്കാരനായ കോതമംഗലം സ്വദേശി അനസ് നാസറി(39)നെയാണ് ഈസ്റ്റ് പോലീസ് അറസ്റ്റ് ചെയ്തത്.
തൃശൂർ പാവറട്ടി സ്വദേശിനിയായ യുവതിയുടെ പരാതിയിലാണ് നടപടി. പുനർ വിവാഹത്തിനായി യുവതി ഓൺലൈനിൽ പരസ്യം നല്കിയിരുന്നു. അനസും പുനർ വിവാഹത്തിനായി ശ്രമിക്കുകയായിരുന്നു. പരസ്യം കണ്ട് ഇരുവരും അടുപ്പത്തിലായി. വിവാഹം കഴിക്കാമെന്ന് വാഗ്ദാനം നല്കി പീഡിപ്പിക്കുകയും പിന്നീട് വാഗ്ദാനത്തിൽനിന്ന് പോലീസുകാരനായ അനസ് പിന്മാറിയതായും യുവതി പരാതിയിൽ വ്യക്തമാക്കി.
