തൃശൂര്‍ - പോലീസ് സ്റ്റേഷനില് നിന്ന് ഇറങ്ങിയോടിയ യുവാവ് ട്രാന്‍സ്ഫോര്‍മറില്‍ കയറി ആത്മഹത്യാശ്രമം നടത്തി. ഷോക്കേറ്റ് തെറിച്ചു വീണ ഇയാളെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്. ചാലക്കുടിയിലാണ് സംഭവം നടന്നത്. ചാലക്കുടി പൊലീസ് കസ്റ്റഡിയില്‍ എടുത്ത ഷാജി എന്ന യുവാവ് ആണ് സ്റ്റേഷനില് നിന്ന് ഇറങ്ങി ഓടി ട്രാന്‍സ്ഫോര്‍മറില്‍ കയറി ആത്മഹത്യാശ്രമം നടത്തിയത്. കെ എസ് ആര്‍ ടി സി ബസ് സ്റ്റാന്‍ഡില്‍ ബഹളമുണ്ടാക്കിയതിനാണ് ചാലക്കുടി സ്വദേശിയായ ഷാജിയെ കസ്റ്റഡിയില്‍ എടുത്തത്. ട്രാന്‍സ്ഫോര്‍മറില്‍ കയറിയ ഷാജി ഷോക്കേറ്റ് റോഡിലേക്ക് തെറിച്ചു വീഴുകയായിരുന്നു.
