കാസർകോഡ് - ചെറുവത്തൂരിൽ ടാങ്കർ ലോറിയും ബൈക്കും കൂട്ടിയിടിച്ച് രണ്ടു മരണം. ബൈക്ക് യാത്രക്കാരായ ചോയ്യങ്കോട്ടെ ദീപക് (30), കണ്ണാടിപ്പാറയിലെ ശോഭിത്ത് (25) എന്നിവരാണ് മരിച്ചത്. ചെറുവത്തൂർ കൊവ്വലിൽ വ്യാഴാഴ്ച രാത്രി 10.30-ടെയാണ് അപകടം.
ദീപക് സംഭവ സ്ഥലത്തും ശോഭിത് കാഞ്ഞങ്ങാട് ജില്ലാ ആശുപത്രിയിലേക്ക് കൊണ്ടുപോകുന്ന വഴിയിൽ വെച്ചുമാണ് മരിച്ചത്. ഇടിയുടെ ആഘാതത്തിൽ ഇരുവരും റോഡിലേക്ക് തെറിച്ചു വീഴുകയായിരുന്നു.
ജോലി കഴിഞ്ഞ് ദീപക് സുഹൃത്തായ ശോഭിത്തിനെ ചെറുവത്തൂരിലെ വീട്ടിൽ കൊണ്ടുവിടാനായി പോകമ്പോഴാണ് അപകടം. ഇന്ന് പോസ്റ്റമോർട്ടം നടപടികൾക്കു ശേഷം മൃതദേഹം ബന്ധുക്കൾക്ക് വിട്ടുനൽകുമെന്ന് ആശുപത്രി അധികൃതർ വ്യക്തമാക്കി. സംഭവത്തിൽ കേസെടുത്ത് അന്വേഷണം ആരംഭിച്ചതായി പോലീസ് പറഞ്ഞു.
