റിയാദ്- ഉത്തര സൗദിയിലെ തബൂക്ക് പ്രവിശ്യക്ക് പടിഞ്ഞാറ് ശക്തമായ മഞ്ഞുവീഴ്ച. പ്രദേശത്തെ മലനിരകളിൽ ഇന്നലയുണ്ടായ മഞ്ഞുവീഴ്ചയുടെ ദൃശ്യങ്ങൾ ദൃക്‌സാക്ഷികൾ സോഷ്യൽ മീഡിയയിൽ പങ്കുവെക്കുന്നുണ്ട്. മഞ്ഞുവീഴ്ചയുടെയും മഞ്ഞിൽ വാഹനത്തിൽ ടയറുകൾ ആഴ്ന്നതിന്റെയും വീഡിയോ അവിടെയെത്തിയ ഒരു സൗദി പൗരൻ ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു. തബൂക്കിന്റെ വടക്കൻ മേഘലകളിൽ ഇക്കുറി ശൈത്യകാലം പതിവിലും ദീർഘിച്ച് നിലനിൽക്കുകയാണ്.
