Sorry, you need to enable JavaScript to visit this website.

Error message

Notice: Undefined variable: app_root in include_once() (line 861 of /var/www/html/sites/default/settings.php).

ഉമ്മൻ ചാണ്ടിയുമായി മുഖ്യമന്ത്രി പിണറായി വിജയൻ സംസാരിച്ചു, ആരോഗ്യമന്ത്രി സന്ദർശിക്കും

തിരുവനന്തപുരം- മുൻ മുഖ്യമന്ത്രി ഉമ്മൻ ചാണ്ടിയുടെ ആരോഗ്യസ്ഥിതി അന്വേഷിച്ച് മുഖ്യമന്ത്രി പിണറായി വിജയൻ കുടുംബവുമായി ഫോണിൽ ബന്ധപ്പെട്ടു. ഉമ്മൻ ചാണ്ടിയെ പ്രവേശിപ്പിച്ചിരിക്കുന്ന നിംസ് ആസ്പത്രിയിലേക്ക് ചൊവ്വാഴ്ച ആരോഗ്യമന്ത്രി വീണാജോർജ്ജിനെ അയക്കുമെന്ന് മുഖ്യമന്ത്രി വ്യക്തമാക്കി. ഉമ്മൻ ചാണ്ടിക്ക് കുടുംബത്തിൽപ്പെട്ടവർ ചികിത്സ നിഷേധിക്കുന്നുവെന്ന് ചൂണ്ടിക്കാട്ടി സഹോദരൻ അലക്‌സ് വി.ചാണ്ടി ഉൾപ്പെടെ 42 പേർ ഒപ്പിട്ട നിവേദനം മുഖ്യമന്ത്രിക്കും ആരോഗ്യമന്ത്രിക്കും സ്പീക്കർക്കും നൽകിയിരുന്നു. ഈ സാഹചര്യത്തിലാണ് മുഖ്യമന്ത്രി ഉമ്മൻചാണ്ടിയെ ഫോണിൽ വിളിച്ച് സുഖവിവരങ്ങൾ തേടിയത്.
അതേസമയം, തന്റെ ആരോഗ്യനിലയെ സംബന്ധിച്ച്  ചില കോണുകളിൽ നിന്ന് വസ്തുതാവിരുദ്ധവും തെറ്റിദ്ധാരണയുണ്ടാകുന്നതുമായ വാർത്തകൾ പ്രസിദ്ധീകരിക്കുന്നതിൽ ഏറെ ഖേദം ഉണ്ടെന്ന് ഉമ്മൻ ചാണ്ടി വ്യക്തമാക്കി. 
ആധുനിക വൈദ്യശാസ്ത്രത്തിന്റെ എല്ലാ സാധ്യതകളും ഉപയോഗപ്പെടുത്തിയാണ് എന്റെ കുടുംബവും, പാർട്ടിയും,  ചികിത്സയുമായി മുന്നോട്ട് പോകുന്നതെന്നും രോഗവും ചികിത്സയും സംബന്ധിച്ച് തനിക്കും കുടുംബത്തിനും വ്യക്തമായ ബോധ്യമുണ്ടെന്നും ഉമ്മൻ ചാണ്ടി പറഞ്ഞു. ഒരാൾക്കെതിരെയും നടത്താൻ പാടില്ലാത്ത വേദനിപ്പിക്കുന്ന പ്രചരണം അവസാനിപ്പിക്കണമെന്ന് സ്‌നേഹത്തോടെ അഭ്യർത്ഥിക്കുന്നു. ഇപ്പോൾ നടക്കുന്ന ദുഷ്പ്രചരണം എനിക്കും കുടുംബാംഗങ്ങൾക്കും  വലിയ മാനസിക പ്രയാസമാണ് സൃഷ്ടിക്കുന്നത്. ഞാനിപ്പോഴും കർമ്മമണ്ഡലത്തിൽ തന്നെ സജീവമായി ഉണ്ട്.
മരുന്ന് കഴിക്കുന്നതിന്റെ ക്ഷീണം എന്റെ ശരീരത്തെ അലട്ടുന്നുണ്ട്. മറിച്ചുള്ള പ്രചരണങ്ങൾ അടിസ്ഥാന രഹിതമാണ്. 
ലോകത്തിലെ മികച്ച വൈദ്യശാസ്ത്രത്തിന്റെ  നിർദ്ദേശാനുസരണമാണ് എന്റെ ചികിത്സ മുന്നോട്ട് പോകുന്നത്. അതുകൊണ്ട് ഇതിന് പിന്നിൽ അറിഞ്ഞോ, അറിയാതെയോ ഇടപെട്ടിട്ടുള്ളവർ ഇനിയെങ്കിലും ഇത്തരം പ്രചരണങ്ങളിൽ നിന്നും പിന്തിരിയണമെന്ന് അഭ്യർത്ഥിക്കുന്നു.

Latest News