നിർമിത ബുദ്ധിയിൽ പ്രവർത്തിക്കുന്ന യന്ത്രങ്ങൾ.. സിനിമകളിലും ടി.വി പരിപാടികളിലും കണ്ടിരുന്ന റോബോട്ടുകളെ നേരിൽ കാണുമ്പോഴുള്ള കൗതുകം. ബേക്കൽ ഫെസ്റ്റിവൽ നഗരിയിലെ റോബോട്ടിക് ഷോ കാണാനെത്തുന്ന കുട്ടികൾക്കു പുതുമ സമ്മാനിക്കുന്ന അനുഭവങ്ങൾ ആണ് സമ്മാനിക്കുന്നത്.
ബേക്കൽ ബീച്ച് ഫെസ്റ്റിൽ കുട്ടികളെ ഏറെ ആകർഷിക്കുന്നതായി റോബോട്ടിക് ഷോ മാറുന്നു. റോബോട്ടിനെ കാണാനും അതിന്റെ പ്രവർത്തനങ്ങൾ എങ്ങനെയാന്ന് മനസ്സിലാക്കാനും ഷോയിൽ അവസരമൊരുക്കുന്നു. റോബോട്ടിന്റെ നിർമാണ ഘട്ടം മുതൽ പൂർണത വരെയുള്ള കാര്യങ്ങൾ അറിയാനും ഷോയിലൂടെ സാധിക്കും. വെർച്വൽ റിയാലിറ്റിയിലേക്ക് കുട്ടികളെ കൊണ്ടുപോകാനും ഷോയ്ക്ക് കഴിയുന്നു. ടെക്‌നോളജിയുടെ പുതിയൊരു മാസ്മരിക ലോകം തന്നെയാണ് റോബോട്ടിക് ഷോ തുറന്നിടുന്നത്.
