മലപ്പുറം- വേങ്ങര ഗവ. ഗേള്‍സ് സ്‌കൂളിലെ അധ്യാപികയുടെ ആത്മഹത്യയില്‍ സ്‌കൂളിലെ അധ്യാപകന്‍ അറസ്റ്റില്‍. വേങ്ങര സ്‌കൂളിലെ എസ്.പി.സി ചുമതല വഹിച്ച അധ്യാപിക ടി. ബൈജുവാണ് കഴിഞ്ഞ സെപ്റ്റംബര്‍ 17 ന് തൂങ്ങിമരിച്ചത്. സ്‌കൂളിലെ എസ്.പി.സിയുടെ ചുമതലയുള്ള അധ്യാപകന്‍ പയ്യോളി മഠത്തില്‍ രാംദാസാണ് അറസ്റ്റിലായത്. ഇയാള്‍ക്കെതിരെ ആത്മഹത്യ പ്രേരണക്ക് കേസെടുത്തു.
രാംദാസ് അധ്യാപികക്ക് അയച്ച സന്ദേശങ്ങള്‍, ഡയറി, വിദ്യാര്‍ഥികളുടെ മൊഴി എന്നിവ പ്രകാരമാണ് ആത്മഹത്യാ പ്രേരണ അധ്യാപകന്റെ ഭാഗത്തുനിന്ന് ഉണ്ടായെന്ന് പോലീസിനു വ്യക്തമായത്. അധ്യാപികയുടെ ഭര്‍ത്താവ് നല്‍കിയ പരാതിയുടെ അടിസ്ഥാനത്തിലായിരുന്നു പോലീസ് അന്വേഷണം.
