കണ്ണൂര്‍- കണ്ണൂര്‍ രാജ്യാന്തര വിമാനത്താവളത്തില്‍ 11 ലക്ഷം രൂപ മൂല്യമുള്ള 215 ഗ്രാം സ്വര്‍ണം പിടികൂടി. സംഭവവുമായി ബന്ധപ്പെട്ട് കര്‍ണാടക ഭട്കല്‍ സ്വദേശി മുഹമ്മദ് നിഷാന്‍ പിടിയിലായി.
സ്വര്‍ണം പൊടിയാക്കി പാല്‍പ്പൊടി, കോഫി ക്രീം പൗഡര്‍ എന്നിവയില്‍ കലര്‍ത്തിയാണ് കടത്താന്‍ ശ്രമിച്ചത്. ദുബായില്‍ നിന്ന് എത്തിയ യാത്രക്കാരനാണ് കസ്റ്റംസിന്റെ പിടിയിലായത്.
സ്വര്‍ണം രാസലായനിയില്‍ അലിയിപ്പിച്ച് ടര്‍ക്കി ടവലുകളില്‍ തേച്ചുപിടിപ്പിച്ച് കടത്താന്‍ ശ്രമിക്കുന്നതിനിടെ ഇന്നലെയും ഒരാള്‍ പിടിയിലായിരുന്നു. കണ്ണൂര്‍ വിമാനത്താവളം വഴി കടത്താന്‍ ശ്രമിച്ച സ്വര്‍ണമാണ് പിടികൂടിയത്. 37 ലക്ഷം രൂപ മൂല്യമുള്ള 743 ഗ്രാം സ്വര്‍ണമാണ് പിടികൂടിയത് . സംഭവവുമായി ബന്ധപ്പെട്ട് കണ്ണൂര്‍ മുഴപ്പിലങ്ങാട് സ്വദേശി ചെറുവളപ്പില്‍ നജീബിനെ കസ്റ്റഡിയിലെടുത്തു.
