Sorry, you need to enable JavaScript to visit this website.

Error message

Notice: Undefined variable: app_root in include_once() (line 861 of /var/www/html/sites/default/settings.php).

റോഡിലെ കുഴികള്‍ക്ക് കാരണം കാലാവസ്ഥാ വ്യതിയാനമെന്ന് പൊതുമരാമത്ത് മന്ത്രി

തിരുവനന്തപുരം- കേരളത്തിലെ റോഡിലെ കുഴികള്‍ക്ക് കാരണം കാലാവസ്ഥാ വ്യതിയാനമാണെന്ന് പൊതുമരാമത്ത് മന്ത്രി പി.എ. മുഹമ്മദ് റിയാസ്. റോഡ് നിര്‍മാണത്തിലെ തെറ്റായ പ്രവണതകള്‍ ഇല്ലാതാക്കാനുള്ള ശ്രമം സര്‍ക്കാര്‍ നടത്തുന്നുണ്ടെന്നും മന്ത്രി പറഞ്ഞു.

കേരളത്തിലെ റോഡുകളെല്ലാം  പൊതുമരാമത്ത് വകുപ്പിന്റെതാണെന്ന പൊതുബോധം നമ്മുടെ സമൂഹത്തിലുണ്ടായിരുന്നു. പിഡബ്ലിയുഡിയുടെതല്ലാത്ത റോഡുകളുടെ കാര്യത്തിലും വകുപ്പ് പഴികേള്‍ക്കുന്നുണ്ട്.

അറ്റകുറ്റപ്പണി നടത്തി ഒരുമാസത്തിനകം പെരുമ്പാവൂര്‍-ആലുവ റോഡ് തകര്‍ന്നത് എന്തുകൊണ്ടെന്ന് പരിശോധിക്കുമെന്ന് മന്ത്രി പറഞ്ഞു. അതിനുശേഷം വിജിലന്‍സ് അന്വേഷണത്തില്‍ തീരുമാനമെടുക്കുമെന്നും മന്ത്രി പറഞ്ഞു.

റോഡപകടങ്ങള്‍ കുറയ്ക്കാന്‍ കേരളത്തിലെ റോഡുകളുടെ രൂപകല്‍പന മെച്ചപ്പെടുത്തണമെന്ന്  രാഹുല്‍ഗാന്ധി കഴിഞ്ഞ ദിവസം പറഞ്ഞിരുന്നു. ഭാരത് ജോഡോ യാത്രക്കിടെയാണ് റോഡുകളുടെ നിലവാരത്തെക്കുറിച്ച് അദ്ദേഹം പറഞ്ഞത്. അതേസമയം, രാഹുല്‍ ഗാന്ധിയുടെ പരാമര്‍ശം പോസിറ്റീവായി മാത്രമേ കാണുന്നുള്ളൂയെന്ന് മന്ത്രി മുഹമ്മദ് റിയാസ് അറിയിച്ചു. റോഡുകള്‍ വികസിപ്പിക്കുമ്പോള്‍ മാത്രമേ ഡിസൈന്‍ഡ് റോഡുകളാക്കാന്‍ കഴിയൂവെന്നും അതിന് ജനസാന്ദ്രത തടസ്സമാണെന്നും മന്ത്രി പറഞ്ഞു.

 

Latest News