കൊല്ലം- കടയ്ക്കലില്‍ ഒന്‍പതുകാരിയെ പീഡിപ്പിച്ച യുവാവ് പോലീസ് പിടിയിലായി. കടയ്ക്കല്‍ സ്വദേശി ഉണ്ണി എന്ന് വിളിക്കുന്ന വിഷ്ണുവാണ് പോലീസിന്റെ പിടിയിലായത്. കുട്ടിയെ കൗണ്‍സിലിംഗിന് വിധേയമാക്കിയതോടെയാണ് യുവാവിന്റെ പീഡന വിവരം പുറത്തറിയുന്നത്.
വീട്ടില്‍ ബന്ധുക്കളാരും ഇല്ലാതിരുന്ന സമയത്താണ് അടുത്ത ബന്ധു കൂടി ആയിരുന്ന വിഷ്ണു കുട്ടിയെ ചൂഷണത്തിന് ഇരയാക്കിയിരുന്നത്. ദീര്‍ഘനാളുകളായി കുട്ടിയെ വിഷാദത്തില്‍ കണ്ടുവന്നതോടെ ബന്ധുക്കള്‍ ആദ്യം മാനസികാരോഗ്യ കേന്ദ്രത്തിലും പിന്നീട് കൗണ്‍സലിംഗിനും വിധേയയാക്കി. തുടര്‍ന്ന് ആശുപത്രി അധികൃതര്‍ പോലീസില്‍ വിവരം അറിയിക്കുകയായിരുന്നു. തുടര്‍ന്ന് ഒളിവില്‍പോയ പ്രതിയെ ബന്ധുവിന്റെ വീട്ടില്‍നിന്നാണ് പോലീസ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
