കോ്ട്ടയം- എരുമേലിയില്‍ ഇന്നോവ കാറും ബൈക്കും കൂട്ടിയിടിച്ചുണ്ടായ അപകടത്തില്‍ 2 പേര്‍ മരിച്ചു. പൊന്തന്‍പുഴ ചതുപ്പ് സ്വദേശി പാക്കാനം വീട്ടില്‍ ശ്യാം സന്തോഷ് (29)ആണ് മരിച്ചതില്‍ ഒരാള്‍. ഒപ്പമുണ്ടായിരുന്ന സുഹൃത്ത് രാഹുല്‍ സുരേന്ദ്രനെ ഗുരുതരമായി പരിക്കേറ്റ നിലയില്‍ കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ഇന്നു രാവിലെയോടെ ഇയാളും മരിച്ചു.
ബുധനാഴ്ച രാത്രിയില്‍ ഒന്‍പത് മണിയോടെയാണ് അപകടമുണ്ടായത് .എരുമേലി ഫോറസ്‌ററ് ഓഫീസിന് സമീപം ഓര്‍ത്തഡോക്‌സ് സഭ റാന്നി നിലയ്ക്കല്‍ ഭദ്രാസനാധിപന്‍ ജോഷ്യാ മാര്‍ നിക്കോദിമോസ് മെത്രാപ്പോലീത്ത സഞ്ചരിച്ച ഇന്നോവയും ഡ്യൂക്ക് ബൈക്കും തമ്മിലാണ് കൂട്ടിയിടിച്ചത്. ഇടിയുടെ ആഘാതത്തില്‍ ബൈക്ക് പൂര്‍ണമായും തകര്‍ന്നു. എയര്‍ബാഗിന്റെ ഇടിയില്‍ നെഞ്ചിന് പരിക്ക് പറ്റിയ മെത്രോപ്പോലീത്തയുടെ ഡ്രൈവറെ റാന്നി താലൂക്കാശുപത്രിയില്‍ പ്രവേശിപ്പിച്ചു.
മരിച്ച ശ്യാമിന്റെ മൃതദേഹം കാഞ്ഞിരപ്പള്ളി ജനറല്‍ ആശുപത്രി മോര്‍ച്ചറിയിലും, രാഹുലിന്റെ മൃതദേഹം കോട്ടയം മെഡിക്കല്‍ കോളേജ് ആശുപത്രിയിലും സൂക്ഷിച്ചിരിക്കുകയാണ്.
