കൊച്ചി- ടോയ്‌ലറ്റില്‍ കയറി സ്‌കൂള്‍ വിദ്യാര്‍ഥിനികളെ ലൈംഗികമായി ഉപദ്രവിച്ച കേസിലെ പ്രതിയെ പോലീസ് അറസ്റ്റ് ചെയ്തു. പള്ളുരുത്തി എം.എല്‍.എ റോഡില്‍ മംഗലത്ത് വീട്ടില്‍ ഗഫൂര്‍ (35)നെയാണ് ചെങ്ങമനാട് പോലീസ് അറസ്റ്റ് ചെയ്തത്.
കഴിഞ്ഞ 20നാണ് സംഭവം. കുട്ടികള്‍ ഉപയോഗിക്കുന്ന ടോയ്‌ലറ്റില്‍ കയറി ഒളിച്ചിരുന്ന ഇയാള്‍ കുട്ടികളെ ഉപദ്രവിക്കുകയായിരുന്നു. കുട്ടികള്‍ ബഹളം വച്ചതിനെ തുടര്‍ന്ന് ബൈക്കില്‍ കയറി രക്ഷപ്പെട്ടു. പിന്നീട് ഒളിവില്‍ പോയ പ്രതിയെ ശാസ്ത്രീയ അന്വേഷണത്തിനൊടുവിലാണ് പള്ളുരുത്തിയില്‍ നിന്ന് പിടികൂടിയത്.
ഏഴുവയസുകാരിയെ ലൈംഗികമായി ഉപദ്രവിച്ചതിന് അരൂര്‍ സ്റ്റേഷനില്‍ ഗഫൂറിനെതിരെ കേസുണ്ട്. എസ്.എച്ച്.ഒ എസ്.എം.പ്രദീപ് കുമാര്‍, എസ്.ഐമാരായ പി.ജെ.കുര്യാക്കോസ്, എസ്.ഷെഫിന്‍, വി.എല്‍.ആനന്ദ് ഏ.എസ്.ഐ സിനുമോന്‍, സി.പി.ഒ മാരായ ലിന്‍സന്‍ പൗലോസ്, ഷിബു അയ്യപ്പന്‍, കൃഷ്ണരാജ്, കെ.പി സെബാസ്റ്റ്യന്‍ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
