തിരുവനന്തപുരം- കളരി പഠിക്കാനെത്തിയ 14 വയസുകാരനെ പീഡിപ്പിച്ച ഗുരുക്കള്‍ അറസ്റ്റില്‍. നെയ്യാറ്റിന്‍കര സ്വദേശി പുഷ്പരാജ് എന്ന് വിളിക്കുന്ന പുഷ്പാകരന്‍ (62) ആണ് പിടിയിലായത്. ചേര്‍ത്തല നഗരസഭ പരിധിയില്‍ ഇരുപത്തിനാലാം വാര്‍ഡില്‍ സെന്റ് മാര്‍ട്ടിന്‍ പ്രദേശത്ത് വാടകക്ക് താമസിച്ച് കളരി അഭ്യസിപ്പിക്കുകയായിരുന്നു ഇയാള്‍.
കുട്ടി കളരി പഠിക്കാന്‍ പോകാതിരുന്നതിനെ തുടര്‍ന്ന് വീട്ടുകാര്‍ നടത്തിയ അന്വേഷണത്തിലാണ് വിവരം പുറത്തറിയുന്നത്. കുട്ടിയുടെ മൊഴിയുടെ അടിസ്ഥാനത്തിലാണ് പുഷ്പാകരനെതിരെ പോക്‌സോ കേസെടുത്ത് അറസ്റ്റ് ചെയ്തത്. ചേര്‍ത്തലയുടെ വിവിധസ്ഥലങ്ങളില്‍ വാടകക്ക് താമസിച്ച് ഇയാള്‍ കളരി പരിശീലനം നടത്തിയിരുന്നതായി ചേര്‍ത്തല പോലീസ് വ്യക്തമാക്കി.
