നെടുമ്പാശേരി- പാര്‍ട്ടി പ്രതിനിധി സമ്മേളനത്തില്‍ പങ്കെടുക്കുവാന്‍ എന്‍.സി.പി നേതാവും മുന്‍ മഹാരാഷ്ട്ര മുഖ്യമന്ത്രിയുമായ ശരദ് പവാര്‍ കൊച്ചിയിലെത്തി. സംസ്ഥാന പ്രസിഡന്റ് പി.സി ചാക്കോയുടെ നേതൃത്വത്തില്‍ ശരദ് പവാറിന് കൊച്ചി അന്താരാഷ്ട്ര വിമാനത്താവളത്തില്‍ വന്‍ സ്വീകരണമാണ് ഒരുക്കിയത്. കലൂര്‍ ജവാഹര്‍ലാല്‍ ഇന്റര്‍നാഷണല്‍ സ്‌റ്റേഡിയം ഗ്രൗണ്ടില്‍ നടക്കുന്ന എന്‍.സി.പി സംസ്ഥാന പ്രതിനിധി സമ്മേളനത്തില്‍ പങ്കെടുക്കാനാണ് ശരദ്പവാര്‍ കേരളത്തിലെത്തിയത്.
സ്വീകരണ ചടങ്ങില്‍ എന്‍.സി.പിയുടെ വിവിധ നേതാക്കളായ മന്ത്രി എ.കെ. ശശീന്ദ്രന്‍ ഫൈസല്‍ മുഹമ്മദ് എംപി , തോമസ് കെ . തോമസ് എംഎല്‍എ, പി.ജെ. കുഞ്ഞുമോന്‍, ടി.പി. അബ്ദുള്‍ അസീസ് , അഡ്വ .കെ.ആര്‍. രാജന്‍ , ലതികാ സുഭാഷ് , പി.കെ. രാജന്‍ മാസ്റ്റര്‍ , അഡ്വ . പി.എം. സുരേഷ് ബാബു , എന്‍.എ. മുഹമ്മദ്കുട്ടി, ജോസ്‌മോന്‍ , ആലീസ് മാത്യു , റസാഖ് മൗലവി , വി.ജി. രവീന്ദ്രന്‍ , സുഭാഷ് പുഞ്ചക്കോട്ടില്‍ , മാത്യൂസ് ജോര്‍ജ് ,
ടി.എന്‍. ശിവശങ്കരന്‍ , പി.കെ. രാജന്‍ മാസ്റ്റര്‍ തുടങ്ങിയവര്‍ പങ്കെടുത്തു.
