താനൂര്‍- ഒമ്പതാം ക്ലാസ് വിദ്യാര്‍ഥിനിക്ക് അശ്ലീല ഫോട്ടോകളും മെസേജുകളും അയച്ച യുവാവ് അറസ്റ്റില്‍. ആലപ്പുഴ ചേര്‍ത്തല സ്വദേശി ഭരതിനെ (19)ആണ് താനൂര്‍ ഡിവൈ.എസ്.പി മൂസ വള്ളിക്കടനും സംഘവും അറസ്റ്റ് ചെയ്തത്.
താനൂര്‍ സ്വദേശിയായ വിദ്യാര്‍ഥിനിയുടെ പരാതിയിലാണ് അറസ്റ്റ്. ഫേസ്ബുക്കിലൂടെയാണ് പ്രതി പെണ്‍കുട്ടിയെ പരിചയപ്പെട്ടത്. വ്യാജ വിലാസം നല്‍കി സൗഹൃദത്തിലാവുകയും അശ്ലീല ഫോട്ടോകളും സന്ദേശങ്ങളും അയക്കുകയായിരുന്നു.
പോക്‌സോ വകുപ്പും ഐടി ആക്ട് വകുപ്പുകളും പ്രകാരമാണ് താനൂര്‍ പോലീസ് കേസെടുത്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
