മമ്മൂട്ടി നായകനാവുന്ന തെലുങ്ക് ചിത്രം ഏജന്റിന്റെ രണ്ടാം ഷെഡ്യൂൾ ഷൂട്ട് ഹൈദരാബാദിൽ തുടങ്ങി. 10 ദിവസത്തെ ഷൂട്ടിനായി മമ്മൂട്ടി ഹൈദരാബാദിലെ സെറ്റിലെത്തി.സുരേന്ദർ റെഡ്ഡി സംവിധാനം ചെയ്യുന്ന ഈ ബിഗ് ബജറ്റ് ചിത്രം നിർമിക്കുന്നത് എ.കെ എന്റർടെയ്ൻമെന്റ്‌സും സുരേന്ദർ സിനിമയും ചേർന്നാണ്. ചിത്രത്തിൽ മമ്മൂട്ടിക്കൊപ്പം അഖിൽ അക്കിനേനിയും പ്രധാന വേഷത്തിൽ എത്തുന്നു. സാക്ഷി വിദ്യയാണ് നായിക. ചിത്രത്തിന്റെ ആദ്യ ഷെഡ്യൂൾ ഷൂട്ട് ഹംഗറിയിലായിരുന്നു. മമ്മൂട്ടിയുടെ ആദ്യസീനുകൾ ഇവിടെയാണ് ചിത്രീകരിച്ചത്. ഇന്ത്യയിലെ ചിത്രീകരണം കശ്മീർ, ദൽഹി, ഹൈദരാബാദ് എന്നിവിടങ്ങളിലാണ്.ഹെലിക്കോപ്റ്റർ അപകടത്തിൽ മരിച്ച മുൻ ആന്ധ്ര പ്രദേശ് മുഖ്യമന്ത്രി വൈ.എസ് രാജശേഖര റെഡ്ഡിയുടെ ബയോപിക് ആയ യാത്രയ്ക്കു ശേഷം മമ്മൂട്ടി അഭിനയിക്കുന്ന തെലുങ്ക് ചിത്രമാണ് ഏജന്റ്. പട്ടാള ഉദ്യോഗസ്ഥന്റെ വേഷമാണ് ചിത്രത്തിൽ മമ്മൂട്ടിക്ക്. ത്രില്ലർ മൂഡിലുള്ള ചിത്രത്തിന്റെ ഛായാഗ്രഹണം രാകുൽ ഹെരിയൻ. ഹിപ്‌ഹോപ്പ് തമിഴയാണ് സംഗീതം. എഡിറ്റിംഗ് നവീൻ നൂലി.
