മാനന്തവാടി- സ്‌കൂളിൽ തലമറച്ച് എത്തിയ വിദ്യാർഥിനിയെ പുറത്താക്കി. വയനാട് മാനന്തവാടി ലിറ്റിൽ ഫ്‌ളവർ സ്‌കൂളിലാണ് സംഭവം. ഇക്കാര്യം അന്വേഷിക്കാനെത്തിയ രക്ഷിതാവിനോട് സ്‌കൂളിൽ ഷാൾ അനുവദിക്കാനാകില്ലെന്നും കുട്ടിയെ സ്‌കൂളിൽ നിന്ന് മാറ്റാമെന്നും പ്രിൻസിപ്പൽ പറഞ്ഞു. കന്യാസ്ത്രീയായ സ്‌കൂൾ പ്രധാനാധ്യാപിക ഇക്കാര്യം പറയുന്നതിന്റെ വീഡിയോയും പുറത്തുവന്നു. എന്തിനാണ് കൊച്ചുകുട്ടികളെ ഇങ്ങിനെ നടത്തിക്കണം എന്ന കാര്യത്തിൽ നിങ്ങൾക്ക് വാശിയെന്നും പ്രധാനാധ്യാപിക ചോദിക്കുന്നുണ്ട്.
