കരിപ്പൂർ-കരിപ്പൂർ വിമാനതാവളത്തിൽനിന്ന് സൗദിയിലേക്ക് എയർബബിൾ കരാർ പ്രകാരം വിമാന സർവീസ് തുടങ്ങും. സംസ്ഥാന സർക്കാർ ഇതിന് അനുമതി നൽകി. ഇതോടെ ഇന്ന് മുതൽ റിയാദിലേക്ക് ഫ്‌ളൈ നാസ് സർവീസ് ബുക്കിംഗ് ആരംഭിച്ചു. ഇന്ത്യയും സൗദിയും തമ്മിൽ ഒപ്പിട്ട എയർ ബബിൾ കരാർ അനുസരിച്ച് കഴിഞ്ഞ ശനിയാഴ്ച മുതൽ സർവീസുകൾ തുടങ്ങിയിരുന്നെങ്കിലും കോഴിക്കോട്ട് നിന്ന് സർവീസിന് കേരള സർക്കാർ അനുമതി നൽകിയിരുന്നില്ല. ഇതിനെതിരെ വിവിധ കോണുകളിൽനിന്ന് ശക്തമായ പ്രതിഷേധം ഉയർന്നിരുന്നു. തുടർന്നാണ് ഇന്ന് അനുമതി നൽകാൻ സംസ്ഥാന സർക്കാർ തീരുമാനിച്ചത്.
