അമ്മാന്‍- ആ ഒരു നിമിഷം. അപൂര്‍വവും അസാധാരണവുമായ ഒരു പ്രകൃതി രൂപ കല്‍പന. ഇസ്രയേലി വൈല്‍ഡ് ലൈഫ് ഫോട്ടോഗ്രാഫര്‍, ആല്‍ബര്‍ട്ട് കെഷെറ്റിന്റെ ക്യാമറ ആ നിമിഷം ലോകത്തിനായി ഒപ്പിയെടുത്തു. പഞ്ചസാര വിതറി സ്പൂണിന്റെ ആകൃതി രൂപപ്പെടുത്തിയതുപോലെ ഒരു പക്ഷിക്കൂട്ടം.
ആയിരക്കണക്കിന് പക്ഷികള്‍ കൂട്ടമായി പറക്കുകയും കുതിക്കുകയും ചെയ്യുന്ന സമയത്തെ അപൂര്‍വനിമിഷത്തെയാണ് അദ്ദേഹം പകര്‍ത്തിയത്.
പ്രശസ്ത ഇസ്രയേലി സ്പൂണ്‍ ബെന്‍ഡര്‍ യുറി ഗെല്ലറുടെ ശ്രദ്ധ ഈ ചിത്രം ആകര്‍ഷിച്ചു, അത് തന്റെ മ്യൂസിയത്തില്‍ ഉള്‍പ്പെടുത്തി.
വടക്കന്‍ ജോര്‍ദാന്‍ താഴ്വരയിലെ ഒരു സ്ഥലത്ത് കാട്ടുചെടികളുടെയും പക്ഷികളുടെയും ചിത്രമെടുക്കാന്‍ അതിരാവിലെ ഒരു വിനോദയാത്ര പോയപ്പോഴാണ് കെഷെറ്റ് ചിത്രം എടുത്തത്.
