കോഴിക്കോട്- ബംഗ്ലാദേശില്‍ ദുര്‍ഗാ പൂജയുമായി ബന്ധപ്പെട്ട് ഉടലെടുത്ത അക്രമങ്ങളും സാമുദായിക സംഘര്‍ഷവും അപലപനീയവും പ്രതിഷേധാര്‍ഹവുമാണെന്ന് ജമാഅത്തെ ഇസ്ലാമി കേരള അമീര്‍ എം.ഐ. അബ്ദുല്‍ അസീസ് പറഞ്ഞു.
വര്‍ഗീയ ആക്രമണങ്ങളും നിയമലംഘനങ്ങളും ജനാധിപത്യത്തെ ദുര്‍ബലപ്പെടുത്തുന്നതാണ്. ആരാധാനാലയങ്ങള്‍ തകര്‍ക്കുന്നത് ഇസ്‌ലാമികമോ ജനാധിപത്യപരമോ അല്ല. വര്‍ഗീയവും വംശീയവുമായ ഇടുങ്ങിയ ചിന്തയില്‍ കുഴപ്പങ്ങളുണ്ടാക്കുന്നവര്‍ മനുഷ്യദ്രോഹികളും രാജ്യദ്രോഹികളുമാണ്- അദ്ദേഹം പറഞ്ഞു.
ബംഗ്ലാദേശ് സര്‍ക്കാര്‍ കുറ്റവാളികളെ കണ്ടെത്തി മാതൃകാപരമായി ശിക്ഷിക്കണം. ന്യൂനപക്ഷങ്ങള്‍ക്ക് ആശങ്കയുണ്ടാക്കാത്ത വിധം അവരുടെ ജീവനും ആരാധനാലയങ്ങള്‍ക്കും സര്‍ക്കാര്‍ പൂര്‍ണ സംരക്ഷണം ഉറപ്പു വരുത്തണമെന്നും ജമാഅത്ത് അമീര്‍ ആവശ്യപ്പെട്ടു.
